Jim Bobs Blog

Ja dia letschta Täg sind recht strub gsi was da i de Ploitik abglofa isch. Ich hetti vu minera Meinig us gseh, gera de Blocher na für witeri 4 Jahr als Bundesrat ka. De Christoph Blocher het i dera Legislatur es paar Fähler gmacht, susch aber hervorragendi Arbet i sim Departement gmacht! Da dörf mer doch nit eifach so eina abwähla. Sini Fähler vu mier us gseh sind, das er sini Meinig trotz em Kollegialitätsprinzip vum Gsamtbundesrat mengisch usagrukct isch. Menigsch muess mer halt als Bundesrat sini Klappa heba und mal nit sini Meinig kundtua. Als National- oder Ständerat hesch es da eifacher.

Mis Herz schlaht au witerhin für de grösst Kanton vu de Schwiz. Darum unterstütz ich no wohnhafta Bündner di neui Bundesrätin Eveline Widmer-Schlumpf. Ihren Maa kenn i flüchtig und si hett als Finanzdirektorin im Kanton Graubünden super gschaffed. Darum hend sich alli BündnerInna gfreut si hüt in Chur und Felsberg begrüssa z'dörfa. Uf de Postautoazeigetaflena isch gstanda:

Willkommen zu Hause, Frau Bundesrätin!

Ja au wenns ganz kurlig gsi isch das Ganze, CVP sei Dank, bini froh das Bündnerland dur e Bundesrätin, Bundeskanzlerin und Ständeratspräsident vertreta isch. So sell sichs au ghöra. Gebed mer doch de neua Bundesrätin Widmer-Schlumpf d'Chance.
Mal luega was d'SVP drus macht? Ihri SVP Graubünden staht hinter ihra neua Bundesrätin und ich als EVP-Mitglied au.
Han gschlossa.

Da di offiziell National League Song vom Daniel Kandlbauer "Power on Ice"

www.beeplog.de/blogfiles/1/1687/general/01poweronicestadionversion.mp3

Viel Spass bim losa

Jo wieder mal isch es uf Davos ganga und nit ällei sondern mit em Andy wo mer es paar Täg vorher es SMS us em Unterland gschriba het öb ich wieder mal an en Match ganga. Jo han em gschriba und so isch er ab Zürich mit em Zug mitko. I schafa ja zur Ziit in üsem Hauptsitz in Züri. Ab Landquart simer denn mit mim Auto Richtig Pany gfahra zum d'Lorena und d'Ursina go abhola. Si hend wella uf HCD Style macha, doch insgeheim sinds doch für de ZSC gsi.  Fertig ischs mit de Ruah gsi und ab Davos Wolfgang isch denn mis Auto dur Daniela ganz volla gsi. Es hett natürli scho wieder agfanga schneia, isch au guat isch au Winter. D'Ursina hett gseit es git es früehs Goal. Und tasächlich het de Pascal Müller z'erst Mal i dera Saison trofa. Kurz vor Drittelsendi hett de Michel Riesen im Powerplay trofa.

Nach 26 Min. ich denn au hinder em starka Genoni de Puck ganz liecht drin gsi, doch z'3:1 isch fast postwendend dur üsa Topscorer Alexander Daigle ko. De Stoop hett det mächtig Gas geh.

I de 51. Min. het de Marc Wieser zum ersta Mal i de National League trofa. Gartulation zu dem Treffer!
Postwendend wieder mal de ZSC mit em Treffer dur de Gloor, wo nachher ungestraft dur en Stockschlag an witera Schütz Dario Bügler zum 5:2 Schlussresultat, verbi ko isch.

Nach em Match, i völlig heiser und müed, hemer d'Daniela an Bhf. Davos Dorf bracht und de Lorena ihri Schwöster d'Martina gholt. Mer hend no was warms wella go essa, nachher ich mers zu blöd worda.  Am Bhf. Davos Platz hemer na e hübsch Frau  mit uf küblis gnoh. Det simer na ins Rest. Bahnhöfli Sandwich go essa und na was trinka. Denn e witeri Fahrt nach Pany (vor dem Mond links) und schlussendli sind nur na ich und de Andy gsi. Er het zum 2. Mal dörfa Autofahra, aber zum ersta Mal uf teilw. schneebedeckter enga Strass. So simer spat aber glückli über de Sieg vum HCD in Chur ako.

TUI, der Hauptsponsor vom FCZ hett 2000 Tickets für de Match geg de FC Aarau am 02.12.2007 gsponseret. Da hani nit 1x chöna nei sega, bin i über 5 Reisebüros gsi go je 4 Tickets hola, schlussendlich hani 20 Tickets ka, Mittagsziita wo mer da in Züri drufa ganga sind und vieli Tramstationa hinter mier lah. 4 Tickets hani am Stift da in Züri verkauft und 2 Tickets na de Domi Wyss  us Oetwil am See verschickt. Blibed na 14 Tickets. Uf de Suechi nach Lüt wo mitchömed, hani 12 Lüt gfunda. Schlussendlich simer leider nur 10 gsi, dia restlicha Tickets hemer verschenkt.

Mit debi gsi isch: Tabea Scheidegger (min Schatz, jetzt wird si na Fuessball Fan ), mini VIP's Stefan Schönwetter, Chistoph Schälchli und Christian Bachmann, Daniel Stolz (au vu de Jungschar Thusis), Jonas, Jasmin Sieber; Rahel (Kollegin vu de Jasmin), Beni Eckert und ich.

Isch doch wieder mal cool gsi dia schönsta Stadt vur Schwiz unsicher z'macha und es het fast alles klappt. Glück hemer ka das mer doch na ins gschlossna Parkhuus ko sind und hend chönna heifahra. Bild vu üsera Truppa hets keis geh, defür na zwei vum Match selber:

Matchbericht dezua: