Jim Bobs Blog

Ich ha dänkt, will ich gratis a mim Geburtstag  ins Alpamare chan, machi das doch grad denn wenns miar mal gaht und nit so en wichtige Geburi vu miar vo de Türe staht. Jetzt wer's sowiit.

Das isch recht spontan gfalla, ihr gsehnd ich chan au spontan si. Sinds ihr au? Gschenk müender kai mitbringa, defür müender de Itritt (Fr. 40.-, dia wo erst wend ab em 6i cho na Fr. 32.50.-, cool wers wenn mer e Gruppa vo 12 Lüt werded, denn chostets nur na 34 Fr. pro Person, 15% Rabatt Karte wie EURO26 mitnehmen und profitieren)

Also da nomal Date dezua:

Datum: So. 14.09.2008

Zeit: 17 Uhr  Treffpunkt vor dem Alpamare in Pfäffikon SZ (nähe Autobahnausfahrt Pfäffikon SZ)

Keine Mitfahrt? Melde dich doch bei mir (079/7953724)

Anmeldung: nicht nötig, wir nehmen jeden mit ins Erlebnisbad

Also ich hoffa mer gseht sich bis am So. Abig, bis bald

de Stefan Erb

Wenn mer eimal in Aargau gaht, sprich ins Nebelloch  denn gaht mer doch wieder hei. Äswia komisch doch es isch eso... Nun das Weekend isch wieder HAMMER gsi. Lies selber...

Samstag 03.03.2007

Nun nach 13.5h schafa am Fritig Abig hani mis verlängerta Weekend doch verdient ka. Am Morga usschlofa, denn ab uf Thusis in d'Jungschar, wo mer Flower Sticks und Jonglierbäll bastled hend. Denn isch es direkt uf Zürich ganga, wo ich, mini Fründin Tabea (merci vielmal bisch mitko, i dich ), de Matthias Griner, d'Melanie Angst und de Keven Bürcher z'4ta Playoff Viertelfinal-Spiel geg de sch... ZSC go luega. Nun nach ema glückhafta 0:0 isch de HCD im Mitteldrittel underganga und hett 5 Goals kassiert, so hemer üs entschieda frühner heiz'go. Ich bin mit dr Taby hei uf Steg gfahra und hend no näbed bi d'Mondfinsternis gseh.

Sonntag 04.03.2007

Am halb 12 isch es Richtig Neftenbach ganga, bin zu mim Cousin ganga. Mer hend mit em Marco Aeschlimann und em Raffi zemma üsi Feria vu ende April 2007 besprocha. Da wirds denn vu üs live-Bricht geh, hoffi mal, also ab 21.4 gahts denn los, freu mi mega uf dia Offroad Gschicht mit ema Toyota Land Cruiser und ema Jeep Cherokee das unbekannte Balkan-Land z'entdecka. Witar bini mit em Cousin und Cousina uf de Irchelturm und hend dia wunderschön Fernsicht gnossa. Bi schu lang nüma det oba gsi. De Abig het denn langsam sin usklang gfunda, bin wieder nach ber 3/4 Jahr oder no meh wieder mal in de GVC Church Hegi in Winterthur gsi. Da gseht mer Lüt wo mer nit mal rechnet. Witar isch denn hei zum Stefan Schönwetter mit sinera Schwöster Daniela ganga. Det bini nach em Film "Die weisse Massai" endli mal igschlofa.

Montag 05.03.2007

Schafa? Wohl chum... Han hüt nämli frei gnoh. Also gnüssed mers und schlofed mal lang us. Nach em z'Mittag mit Gipfeli und Weggli (danka Pizza ) hemer JHS Föteli agluagt. Und au verunstaltet, aber das blibt euses Gheimmnis gell...  Mer hend üs nachher trotz Rega ufgmacht d'Ruine Alt Wülflinge z'erklimma. Uf em Weg dethi, hets denn ufghört regna und d'Sunna isch füra ko. Mer hend d'Runie meh als erkundet, hend sogar de Wachturm vu ganz una gseh, det chunnt mer susch gar nit aba, aber was macht mer nit alls wenn de Weg ofa isch. Igrendöpper hets Schloss knackt und mer hend üs das nit entgah loh. Witar dur en churze Abstieg isch es nomal deruf ganga uf d'Hoh Wülflinga, denn d'Gratwanderig und de Abstieg. Binera rutschiga Holzlatta wo quer uf em Weg glegga isch simer beidi umgfloga, zerscht ich und denn nachher de Stefan Schönwetter. Nix passiert, mer sind wohlbehüta nach 2h wieder ako. Hend denn no d'Andrea, dia ander Schwöster in Dietlike ZH abgholt und uf Winti bracht. Denn hemer no schnell agfanga "Bruce Allmächtig" luega bevors ab uf Waltenschwil ganga isch. In Wohlen, Postplatz isch denn mini chli Prinzessin igstiega.  Juhu endli hani di wieder gseh, nach über 2 Wucha. Isch mer u lang vorko, aber jetzt isch es jo sowiit. Mer hend zema z'Nacht gessa (danka für di feini Tortelloni ) und sind mit de Jessi, em Labrador Gassi ganga. Hasa simer au no go füttera und schwups simer wieder ina go DVD luega. De Jimmy hett Handyman gwählt, en Film hani gfunda. Nur nit hübschi Fraua hett Sinja gmeint, guat eini hets doch na ka, dia isch näbed miar ghocked.  Nachher simer no go Sport luega, wenn de Jim Bob nit an Match gaht, denn gwünnends wieder. (gell Marc und Dino Wieser, ihr sind di Geilsta!) Nachher hemer no Franz-Wörtli güabt, doch mer sind dur es Tel. vum Sebi unterbrocha worda. So hani nachher chöna über 1h ällei verbringa. Doch i han no Heftli debi ka und mit em Stefan Schönwetter telefoniert. D'Sinja isch aber doch no u liab und härzig gsi, han es Guat Nacht li becho, so hani guat chöna schlofa.
Han di u gera!

Dienstag 06.03.2007

Ach schu 5.55 Uhr, Ziit zum ufstah duscha und denn mini chlini Prinzessin z'wecka. So süass . Hends denn uf de Bus gschafft, woni denn de Sebi au mal gseh han. Doch d'Fahrt isch nur vu churzer Duur gsi. In Wohlen hets gheissa: Tschüss zemma. Hett das viel Lüt ka, alles gaht uf Züri go schafa, trotz Verspötig hani de Zug in Züri HB verwütscht und mit schlofa isch es hei, in di ältischt Stadt vur Schwiiz ganga. Mit Sunna natürli, gell Sinja.  So hets hüt mal kheissa: Arbeitsbeginn 10 Uhr

Und die Moral der Geschicht? Im März trifft man die schönsten Geschicht(er) . Fortsetztung folgt...

Freitag 16.02.2007

Hüt ischs letzta Auswärtsspiel vum HCD in Rapperswil. Ich gönn miar dia Freud nach era strenga Wucha an de Match, au wenns nit so guat für de HCD usgseht. Dia letschta 4 Spiel verlora, d'Heimbilanz gseht düsterer us als Uswärtsbilanz. Aber das hett kai Freund zum Abruch!  Triff mich in Rapperswil mit minera Ex Sandra zu dem 2.letschta Qualispiel in dera Saison. Treffed üs guat 1h vor em Match, denn gahts ab go luega. Tja so chöments wieder: 7:3 Sieg nach 60min i de neua Diners Club Arena. 7 verschiedene Torschützen und e super Fan-Stimmig, mir schreied eu zum Sieg.  Jetzt setts wieder hei zuagah, mis Versprecha muassi au na ilösa: Wenn de HCD gwünnt gangi wieder go schaf statt am Sa. Morga. Drus wird aber nix. Z'erscht vergiss i min Rucksack im Schlüssfach z'Rappi, merka es in Pfäffike SZ, gang wieder zrugg und verlüra weg dem 1h. Also wirds morga am 1 bis i in Chur bi. Doch es gaht witar: Statt wieder uf Pfäffike SZ z'fahra, fahri via Meila uf Züri HB. Doch um 23.48 Uhr fahrt kain Zug meh nach Chur, hett doch sella uf di ander Richtig fahra. Zum Glück bin ich grad am Tel. mit em Stefan Schönwetter allias Pizza. Er nimmt mich in Winterthur in Empfang. Uf Winti bini nämli na cho. So verbring ich dia Nacht in Winterthur, minera Heimat- und Geburtsstadt.

Samstag 17.02.2007

Damaris, ich und Sinja am Neujahrslager in Seewis GR

Dave und Maurice, 2 Aargauer

Matthias, mein Zimmerkollege vom Neujahrslager

Das isch eigentli de Aargau-Tag, han eigentlich schu am Morga wella go, doch denn hani dia letscht Wucha viel Arbet ka, so muass mer halt sini Plän apassa. Da ich Winterthur bim Pizza gschlofa han, hani schafa müessa uf de So. verschieba. Dia obriga Bilder zeiged, bi wem ich usser bim Maurice im Aargau go bsuecha bi. Aber z'erscht mal de Reihe na, oder?
Bi mit em Pizzauf Spreitebach gfahra, er isch zum Coop @ home, sim Arbetgeber gfahra. Ich bin zum ersta Mal i mim Leba im Shopping Center gsi, bin denn no im Migros Restaurant mit em Pizza in Coop-Montur go z'Mittag essa. Nachher bini mit em Bus nach Dietikon, witar mit dr Bahn über Bremgarten uf Wohlen gfahra. Vu det no churz mit em Bus uf Büttikon. Det hani z'erscht mal müessa z'Huus suecha vu Graf's. Has denn au gfunde, es isch di ganz Fam. (Harry, Heidi, Dave, Damaris und Matthias) dihai gsi. Komisch isch es denn grad gsi, das sogar d'Eltere gwüsst hend, wia min Spitzname (Jim Bob) isch und wo i wohna. Nach ema churza Schwätz (oder isch das lang gsi? ) und Übergab vunera rosa ICF Chur CD "Erschti Liabi" isch es denn witar ganga. Däme het na was los ka, so sind miar Männer uf Aarau go bowle. Im Vorfeld hani na bluft, da ich letscht Mal in Chur am bowle de Best gsi bi. Das het sich aber denn Irrtum usagstellt. Ich han verlora, nach 4 Durchgäng und han grad mal 299 Pünkt anabracht. Dä Dave isch 2. worda mit 5 Pünkt Differenz zum Faz (Matthias). Aber es het doch Spass gmacht, sind denn wieder zrugg gfahra via Mc Donalds Lenzburg. Hend denn no witers gredt, nachher hett mi de Dave uf Waltenswil zu Lauber's bracht. Dia sind nit so infomiert gsi über de Bsuech. Dia werdend denkt ha, chum isch üsi Tochter wieder vu England zrugg, gahts doch scho wieder los.  Mini chli Prinzessin  hani endli wieder mal dörfa gseh. Hend mega guats Gspröch ka, au mit de Eltera. Wer de Jim Bob kennt weiss wia spat das es chan werda. so bini denn wieder zrugg uf Wohla (danke Raini ) und witar über Mutschellen uf Dietikon, Spreitenbach Shopping Center wo mi de Stefan Schönwetter wiedar mitgnoh het. Statt Fründin isch nomal Pizza agseit gsi. Han nomal e Nacht det pennt.

Sonntag 18.02.2007

Nun es gaht wieder heiwärts, es isch immer wieder schön uf Chur zruggzchera, glaubeds mer. Aber ich bin na 4.5h go schafa ganga, so hani sogar de ICF am Abig verpasst. Has aber recht easy gnoh bim schafa und de Online-MSN isch halt au glofa, so hani nur so wenig chöna ufschriba asl Arbetsstunda.

So isch es Weekend meh verbi gsi. Und no was: Aargau ich chuma gli wieder...