Jim Bobs Blog

Ja richtig glesa! Ich wird Radiomoderator bi Radio S in Frauenfeld.

Nach gestriger Sitzig mit de Programmleitig (Simon Kälin) isch es nun def. das ich ab ende März 2008 d'Grundusbildig bi Radio S (Spitalradio Frauenfeld) afanga. Das heisst vorerst mal 3-5 begleiteti WUKO Sendige am So. Abig vom 6 bis halb 9ni macha. Denn wird ende Mai / Juni e neui Unterhaltigs-Sendig 'Zytpunkt' zemma mit em Simon Kälin immer abigs am letschta Sa. im Monet vom 8ti bis am 10ni uf Sendig gah. Es Konzept staht scho mal. Da mini Ziit als Jungscharleiter ende Mai vorerst mal verbi si wird, han ich e neui Herusforderig aghnoh, als Usglich zu de Usbildig als Lokführer.

Khöra tüend dia Sendig aber nur Patienta vum Spital Frauenfeld. Wer weiss viellicht gits denn au mal en Reto Scherrer, de vor Jahre det sini Karriere gstartet het. Witeri Infos folged, mer dörf also gspannt si.

Am 06:30 Uhr hend sich 14 Lüt vu de Pöyry Infra AG vor em Büro Chur troffa zum erlebnisrichi Fahrt vo knapp 1min mit über 120km/h und min 3G Kraft uf sin Körper iwürka z'lah. Mer sind mit eme Büsli nach Innsbruck gfahra und hend in Igls folgendi Tafle atroffa:

Üs hett denn de Paddy Rhyner (min jetziga Chef) begrüesst und gseit mer selled mal zum Start 1 ufalaufa, so hemer grad mal chöna Bahn aluega. Isch scho gwaltig gsi vor allem de 360° Kreisel und z'Labyrinth. So hett denn üsa Rennbob mit Fahrer Jürg Möckli und Bremser Patrik Rhyner usgseh:

Da simer unterwegs Richtig Ziel:

Schad gseht mer nit druf wia schnell das mer unterwegs gsi isch. Ich han mit em Jeton Fazlija e Ziit vo 56.170 ufgstellt, dia zweitlangsamst Ziit, aber um das isch es eigentli ganga. Di best Ziit isch um di 55.9... gsi. Und da na z'obligate Gruppaföteli:

Nachher simer go z'Mittag essa und dia wo hend wella sind no in Turm vo de Sprungschanza Bergisel in Innsbruck Süd go aluega, miar sind aber dia 8 Euro zu tüür gsi. En schöna Gschäftsabschluss für mi.
Nachher isch es wieder über Arlberg heiwärts ganga.

Bald isch sowiit, am Sa. 23.02.2008 wird zügled. Zwar hani scho en Teil zügled, doch jetzt chunnt na de Rest. Go helfa chömed mini zwei Brüdera Lars und Silas sowia min Schwager David Hosmann. Am 25.02.2008 isch denn min letschta Arbetstag in Chur, mit Abmelde vo de Stadt Chur. Vom 26.02. bis 27.02 gahts für 2 Täg mit mim Schatz Tabea ins Engadin. Am 29.02. wir ich mich uf de Gmeind Hagenbuch go amelda sowia uf em Strasseverkehrsamt in Winti mini gliebta Bündner-Nummerschilder abgeh müessa.

Tja das isch es mal, als Bilag en Abschiedsbrief vom Bündnerland verfasst vom Stefan Schönwetter (pdf-File)

Angehängte Dateien: jimmyziehtwegvombndnerland.pdf (9 kb)