Jim Bobs Blog

Tschüss Bündnerland uf ende Februar 2008!

Ja es ich echt wahr, hüt hani es Telefon kriegt mit ere mündliche Zuesag d'Usbildig als Lokführer bi de SBB in Winterthur (oder Schaffhusa) im März 2008 azfanga. Arbetsvertrag folgt bis ende November 2007, was heisst das ich bis ende Februar 2008 z'Bündnerland verlah und uf Hagenbuch ZH (im Drüeck Winterthur-Fraunefeld-Wil) a d'Schneiterstrasse 13 zum Stefan Schönwetter zügla. Tja da mich d'RhB nit hett wella, isch mer es Jahr nomal warta zu lang gsi. Bi de SBB bini sicher guet ufghoba, 5 Wucha Feria nur um mal es Bsp. z'verzella.

Jetzt heissts aber für mich dia neua Ufgaba und Fründa da oba wieder z'verlah. Wird drum d'Jungschar Thusis nach knapp 1.5 Jahr wieder verlah, es isch e spannendi Ziit gsi mit em Team, Kinder und de verschiedena Aläss wo mer zemma ka hend. Au wird ich mini christ. Gmeind und d'Kligruppa dezua ufgeh, sprich z'ICF Chur au verlah. Schlussendlich chunnts au na das i mini WG verlahn, dia knapp 2 Jahr sind doch u schnell umaganga und bald heisst vum Sammy und Tommy (beidi 26) Abschied z'neh und mi uf en andera Weg ufz'macha. So isch halt z'Leba!

I wett a dera Stell na sega, das i es 100% wieder vor han ins Bündnerland z'cho! Mis  schlaht nit nur für de HCD, sondern de ganz Kanton mit all dena Chind, Lüt und Vereine. So wird i aber min. 3 witeri Jahr (inkl. Usbildig) im Unterland bliba, da ich kai Rückzahlige an d'Usbildig vu de SBB wett zahla und erscht denn chan "ablösefrei" weg gah. Das gaht aber nur falls di rhätische Bahn denn Lokführer suecht. Bis denn chan sich na vieles tua, z.Bsp. Hochziit, anderi Agebot etc.

Nun denn eine neue Ära beginnt, mit em  Aug und em a  Aug.

Mis neua Dihai Hagenbuch ZH uf de Karta:

Mis neus Dihai als Adressa ab 01.03.2008:

Stefan Erb
Schneiterstrasse 13
8523 Hagenbuch

Für di einta heissts: Welcome back Jimmy!
Für di andera: Bye bye, see you Jimmy!

Witeri Infos folgend...