Jim Bobs Blog

Di. 18.04.2006

So uf dia Wucha hani immer gwartet kha, jetzt ischs endli sowiit gsi. Am Mäntig bini na im Ostercamp in Seewis gsi, mer hend würkli wieder super Täg kha. Jesus lebt! Am Di. hani endli wieder mal chöna in MSN, mit Amerika chate (merci Stefanie ) und han afanga es biz packa. Bin denn mich no uf Gmeind go amelda und uf Strasseverkehrsamt, woni gar nit het müessa. Für mini chrank schwöster bini no go Medis go kaufe. Denn kurz vor Mittag bini ab uf Jona gfahra. mini erst Rais mit em neua GA. Det het mich d'Mirjam am Bhf. abholt, ich bin zu ihra go PIWO vorbereita. Am Schluss isch doch was guats usacho, au wenn mer lang kha hend und mengisch vom würklicha Thema abcho sind. Hey cool das di giit! Nachher bini uf Winti gfahra, han min Discman bi de Mirjam vergessa  udn bin mit em Christoph und Pizza in Zirkus Knie ganga.

Mi. 19.04.2006

Hüt hets gheissa vollgas geh bim packa. Han aber erst nach de 9ne agfanga, ab und zua bini wieder mal im MSN aztreffa gsi. Was ich alles für War i mim Zimmer kha han, unglaublich. Han 9 Kistena plus Militärsacha etc. gfüllt. Am 5i isch de Pizza cho und het am Papi ghulfa verlada, han au scho Sacha wia Schribtisch und Regal kauft kha, das het au müessa mit. Nachher simer uf Fischenthal anes Adonia Teens Konzert, woni au min Schatz gseh han. Es hett det de Matthias Maag, Daniel Kuhn und d'Rahel Hedinger mitgsunga. Isch supi gsi. Mer sind nachher no zu Scheideggers go käffela, es isch doch au wieder mächtig spat gsi bis i di hai gsi bin. Merci Pizza fürs fahra.

Do. 20.04.2006

Der grosse Tag... Nun am 7.10 Uhr sind 2 Autos richtig Chur abgfahra, eina mit miar und em Papi plus alles Material. Im andera, en Golf VR6 de Dave Hosmann und mini Schwöster Andrea. Mit ema Halt a de Autobahnraststätt Rheintal simer um di 9.15 Uhr a de Güterstrasse 9 acho. Als 1. hemer mit em Sämi Stricker (min WG-Mitbewohner) alles Material usglada. Denn sind ich und de Papi in Ottos und hends vorbstellta Bett, Kasta und Nachtischli kauft und bim Wareusgang mitgnoh. I de Zwüscheziit isch min Schribpult ufgstellt worda. Denn hemer all dia verschiedende Sacha zemmabastled, zerscht de Kaste, denn Bett, Schribtisch und Büecherregal. Z'CD Regal chan i erst am Di. zemma macha, da ich denn mit mim Schatz nomal ufagang. Mer hend nämli z'Schrübli und so vergessa mitneh uf Chur. Schlussendli hemer agfanga Kleider und Büecher irumma, Plaakta ufhenka etc. De Rest wird am Di. na fertig gmacht, han de Schlüssel bereits becho. Am 19.30 Uhr isch nach era Stärkig im Mc Donalds wieder heizuaganga. De Papi isch bereits am halb 2 zrugg gfahra. Merci eu allna.

Fr. 21.04.2006

Erst am 9ni ufgstanda, no schnell z'Altpapier bündeled und ab uf de Zug, mini 2. Rais isch agstanda, das mal uf Basel SBB, ab Züri mit mim Lieblingszug ICE. Am 1 bini det acho, han mich mit Seewis Kollege vo Basel trofa. Hett da gern es Foti no gmacht, aber de isch scho in Chur oba. Also nach 4 Mönet hani wieder mal d'Nadine, d'Simone, de Thomas, de Stefan, de Patrick und au neu (si isch nid in seewis gsi, ihr Lügner! ) d'Nicole chöna begrüssa, äh nai si hend mi begrüesst. Z'erscht simer no im COOP go posta, schnell in Athleticum (nai Simone es git kai Wachs fürs Snowboard, das gits nur i de Berga ) und witer in Garten80 oder wia de Park au gheissa het, go z'Mittag essa und Minigolf spiela. Tja mit 71 Pünkt bini grad so guat wied d'Nadine gsi, geg de Schluss bin i immer besser worda. Tja aber erst isch de Patrick worda. Super ! Was i denn no usagfunda han, das si all so jung sind, ich mind. 2 Jahr älter als alli bin. Was für eine Ehre. Vo dem het mer aber nix gmerkt. Nach dem Akt simer im Restaurant go Glace posta und hend mit ema Ball chli umatschütteled. am 6i bini schwo wieder heigfahra. Merci für de cool Namitag. Am Abig isch de Keven ab Frauafeld mithai ko, hend eigentli wella go Gokart fahra, doch dia hend glaub es Renna kha. So het wieder mal en Fritig im Mac gendät.

Und morn gahts witar....