Jim Bobs Blog

Ich ha dänkt, will ich gratis a mim Geburtstag  ins Alpamare chan, machi das doch grad denn wenns miar mal gaht und nit so en wichtige Geburi vu miar vo de Türe staht. Jetzt wer's sowiit.

Das isch recht spontan gfalla, ihr gsehnd ich chan au spontan si. Sinds ihr au? Gschenk müender kai mitbringa, defür müender de Itritt (Fr. 40.-, dia wo erst wend ab em 6i cho na Fr. 32.50.-, cool wers wenn mer e Gruppa vo 12 Lüt werded, denn chostets nur na 34 Fr. pro Person, 15% Rabatt Karte wie EURO26 mitnehmen und profitieren)

Also da nomal Date dezua:

Datum: So. 14.09.2008

Zeit: 17 Uhr  Treffpunkt vor dem Alpamare in Pfäffikon SZ (nähe Autobahnausfahrt Pfäffikon SZ)

Keine Mitfahrt? Melde dich doch bei mir (079/7953724)

Anmeldung: nicht nötig, wir nehmen jeden mit ins Erlebnisbad

Also ich hoffa mer gseht sich bis am So. Abig, bis bald

de Stefan Erb

Ja di erst WUKO Sendig bi Radio S isch verbi, am nöchsta Sunntig folgt di zweiti Sendig, wo ich denn scho es biz meh macha muess, als nur Co-moderiere. Zudem hemer scho Sacha für di neua Sendig 'Zytpunkt' agfanga ufneh. Han mer denn es Ufnahmegrät kauft und das gester scho s'erscht Mal richtig brucht.

Ich han mich für de Kinofilm 'Champions' als Statist agmolda, da ich jo Feria han. Leider sind dia Dreharbeite denn di ganz Nacht vum Mo. uf de Di. in Arosa gsi. Nichts desto trotz han ich de Weg det ane uf mi gnoh. Üsi Ufgab het drin entstande, das Ischockey Spiel azführe und au e Szene i de Zuaschauermengi isch vorko (mier als Statiste hend natürli nix dörfa sega). Ich han mer denn dia frech Frag erlaubt, für es Interview und han denn mit em Max Rüedlinger dörfa spontan duraführa. Es witeres mit em Marco Rima isch gschitered, da wo er verfügbar gsi wer, hets mich als Statist brucht. De Bitrag wird natürli i üsere 1. Zytpunkt Sendig am 24.05.2008 uf Radio S iflüssa.

Müed und völlig durfrora hani am hütige Morga am 6i d'Heireis atretta.
Was mer doch alles macht zum es biz CH-Filmluft z'schnuppera.

Was hend de HCD, Hagenbuch und d'SBB gmeinsam?
Si bestimmed zur Ziit mis Leba.

Ende Feburar isch zügled worda (danke Broders und Schwager ), am 3. März isch mini neui Usbildig los ganga. Grad am ersta Tag isch in Führerstand ganga uf Brugg, go Kleider fasse. Alles SBB, inkl. Halbschuah und Sicherheitsschuah. Denn simer in Winti am Namitag vo allna Chefa und Usbildner begrüesst worda. Jetzt heisst 3 Mönet Theorie büffle, Signal, Rangieren und Bremse hemer scho mal ka, es isch scho na recht komisch, will ich au Selbstlernphase han, wo recht Disziplin bruchsch.

De HCD schafft nach em 0:3 i de Serie geg Zug di wundervolli Rückkehr mit 4 knappi Sieg in Serie und zieht i d'Halbfinals i, wer hetti das denkt. Chum us em firre wird scho wieder gfirred. De Stefan Schönwetter, min WG-Kolleg wird hüt 25gi, es grosses Fest staht ah und drum muess alles blink und blank si. Chum i de WG gits scho s'ersta grossa Fest, wer hetti das denkt. Einersits isch es cool wieder da gsi, da gsehni doch wieder mal min VIP Stefan Kummer im Coop Frauafeld, andersits fähled halt Berga, de ICF und mini alt WG scho. Mer chan nit alles ha, aber es passt.
Fortsetzig folgt...

Robin Leblanc (#48) schoss 2 Treffer im entscheidenen 7. Spiel gegen den EV Zug.