Jim Bobs Blog

So nun sind scho bald 2 Wucha verganga sit ich da wohna, langsam aber sicher hani mi iglebt da oba, aber es brucht scho Ziit und vor allem au will halt jeda Tag gasch go schafa und gar nit viel gsesch devo vu Chur. Hoffa das i es paar Mal au under de Wucha na ind Stadt kuma, si isch gar nid so grusig wia viel meinend, jetzt bini halt en Stadtmensch worda. Post bekumi au scho fliessig, vom eigna Brüader bis zum Hochziitskärtli, merci vielmal

Das Weekend bini scho wieder im Unterland, wird aber eh nid jedes Weekend vorko, i brucha au mal es Weekend da oba. wünscha au en cools Weekend jetzt scho. Hoffa das wieder mal es mobils Update kunnt, war waiss...

So. 30.04.06

Ja um 18.38 Uhr bini denn no mit em letschta Gepäck plus Velo in Chur ako. Has sogar mit em Velo heigaschaft, nur hani denn grad DVD glueged, bi so ema coola Player. Han "Das Wunder von Bern" glueged, isch en supi Film. Es het underzwüscha au kurz Bsuech vom Thomi (WG-Kolleg) und de Conny geh. 1h spöter nomal dur Damaris und ihren Fründ. Nachher bini in z'Bett ganga, 140x200cm so gross und weich isch es , wer wett kas mal go testa ko.

Mo. 01.05.2006

Min ersta Arbetstag juhi, i han mi gfroit und für das mi au recht usaputzt. Muas erst am 6.15 Uhr bis 6.30 Uhr am Morga ufstoh, han grad mal 7min mit em Velo bis zum Gschäft. Has au das ganz guat gfunda, so bini Punkt 7.30 Uhr im Gschäft gsi. De Herr Schnoz het mer alles zeiged, wo was isch. Denn hani agfanga am Namitag mit devi kontrolliera und en Offertespiegel ufstella. Am halb 5i het z'Telefon gschälled, i han abgnoh. D'Manu Disch het mi zum PH-Musical Generalprob "Die Zauberorgel" iglada, wos am 2., 3. und 4. Mai in Schuela tüand ufführa, wo aber nur d'Schüler selber könd go luega. Isch Hammer gsi, merci viel mal, er hend au e grossi Arbet kha, es ganzes halbs Jahr sind für das am schafa gsi, all die Requesita etc.  Denn bini is Bett ko, leider stönd immer no Schachtla uma. Es het denn no d'Melanie aglütet, bi au mega müed gsi und denn endli hani köna pfusa.

Di 02.05.2006

Hüt min 2. Arbetstag, han scho es biz agfanga Zeichna uf ema neua Programm, hoffa das i echt da dri kuma mit Üebig und so. Witeri Infos zu mim Gschäft: www.etaag.ch So hüt müend denn no dia Schachtla verschwinda...