Sali zemma

Letschts Weekend bini wieder mal in Seewis (Graubünda, wo susch ) im Jugendhuus Seewis gsi mit ander 23 Jugendlicha hemer es H A M M E R Weekend kha, mit super Wetter und Gmeinschaft. Det oba erlebt mer Gott irgendwia eifach viel nöcher und tüüfer. Z'Thema het gheissa: Schein oder Sein? Es Thema wo glaub jeda agsprocha het, wo doba gisch isch. Ach und jetzt heisst no chli warta betreffend Bündnerland. Meh khörender sicher no vu miar.

Witeri Infos und Föteli findsch under www.jhs.ch

Greetz us em sch... (schöna) Züri vum Stefan

Nöd vergessa:

Am 20.11.05 chunnt "min" Film "Leben auf Kredit" woni als Statist mitwürka im SF1 um 20.30 Uhr.

Also sofort ind Agenda ischriba und luega. Viel Spass

Infos zum Film:

Mia ist Melanie: Der Film «Leben auf Kredit» handelt von einer Studentin, die mit antiken Mayaskulpturen den grossen Deal plant. Weil sie für ihr Projekt nicht genug Geld hat, leiht sie – dank ihrem charmanten Auftreten – gleich bei zwei Banken grössere Geldbeträge.

Es kommt wie es kommen muss: Die Banken kommen ihr auf die Schliche und geben ihr sechs Wochen Zeit, das geschuldete Geld zurückzugeben – sonst verliert sie alles.

«Leben auf Kredit» wird am 20. November um 20.30 Uhr auf SF1 ausgestrahlt.

Der erste Mobile Eintrag folgt von miar und somit ist diese Kategorie auch eröffnet. Lieber Gruss aus Zürich, Stefan Erb

Salü zemma So i guat 2 Wucha gahts los in Frauafeld mit de RS Artilerie Übermittligssoldat / Fahrer C1. D'Addy wird da ufgschalta werda so schnell wia möglich. Was i jetzt scho wais isch das ich 13 Wucha wird in Frauafeld si und 7 Wucha in Bièrre (VD). Also wirds denn au e 2. Addy geh. Also denn mal los und chli Brief schriba oder au es Päckli schicka, zum Glück isch das bis 5kg immer no gratis.

Jetzt heissts da in Züri no 2 Wucha schafa. Was i nachher macha isch jetzt wieder völlig unklar, will miar Züri als Stadt nid passt. So hani mi nomal infomiert bi derra Stell in Chur. Meh weissi nonig. Also wirds nach de RS (14.04.2006) luta entweder Züri oder Chur. Hm da hemer doch grad no en Witz dezua:

Salü zemme

Endlich chunnt en nöchsta Itrag vu miar, rechtziitig zu de Feria, wo eigentlich gar keini sind. Nun aber mal schnell de Reiha na, oder?

Also ich bin nun sit über 4 Wucha scho am schafa, wenn mer das so nenna will. Mer gfallts da guat, usser das i in Züri schafa, aber da gönd ja d'Meiniga uuu wiit usanand. Bald isch üses HELA vo de Jungschar Felben-Pfyn, drum hani morn no frei gnoh, zum alles regla und packa. Es wird nachher sicher en bricht cho, Fotis wird denn uf de Jungschi Page geh. Ich freu mi sehr uf dia Wucha, das mer guats Wetter hend und das Gott würkt und mitta under üs isch.

Hüt morga hani e witeri Hiobsbotschaft becho, nid dia das de HCD Cracker Beni Winkler 4-6 Mönet usfahlt sondern das min Schatz e Muskelverchranpfig het, jetzt gahts era scho wieder biz besser. Hoffa das mer morn Abig glich chönd is Kino gah. Was go luega? Stolz und Vorurteil, viellicht no en coola Fim, schriba denn wias gsi isch. Also de Eugen isch scho mal guat, au wenn minera Meinig zu viel gflueched wird, aber i de CH isch das ja normal.

Nun also de nöchst Itrag chunnt wieder nach em HELA, mer gönd uf Hitzkirch (LU). Denn wirds nomal es strengi Wucha geh, mit witera Überraschiga, meh verrat i mal nid...

Tschüss und weg dä Jim Bob

© by Jim Bob 06.10.2005