Jim Bobs Blog

... tja was isch denn? Jawohl richtig es isch Churer Fäscht, das Jahr zum 17. Mal und nach 17. Mal hets au de Jim Bob mal gschafft das Fest live z'erleba und nid nur devo z'khöra. Meh Infos über das findsch under www.churerfest.org Was ich super gfunda han usser de 84'000 Lüt isch das d'Churer Freikircha uf em Postplatz es riesigs 3-tägiges Kinderfest kha hend mit u viel Sacha, au wenns mich vergessa hend zum iteila bim Betreua vum Gumpischloss wett i sicher nöchst Jahr meh als nur es bitzli mithelfa, es isch e grossi Chance nebst de Grischavision 08. Bin am Fr. Abig u.a mit em Pizza äh Stefan Schönwetter, Matthias Maag, Melanie Angst, Nadia Nigro, Astrid, Yvonne und Andrea unterwegs gsi und es isch suchu 4i gsi woni is Bett gheit bin. De Matthias und Melanie hend d'Chance vur Bündner Gastfründschaft gnutzt und bi mar pennt. Am Sa. Morga isch grossi putzaktion gsi, weg Made und Motte i üsna Chuchi, meh wett i da druf nit igoh... Am Namitag hends mi eba am Stand vergessa, bi denn halt mit em Papi uf Arosa go Pizza ässa und es Objekt vu mair go aluega. Am Abig bin ich denn nur mit mim Vater ans Churer Fest ganga. Bin aber schju am 12i hei, bi aber erst am halb 3i ins Bett. Am So. Morga bini denn grad nomal ans fest, es isch Gospel Brunch bim Postplatz gsi, mit Gospel News und ema feina Brunch. :) Am Abig bini denn zum 2.Mal in ICF, het mer mega guat gfalla zum Thema: Geiz ist (doch nicht) geil. Tja das wer doch mis ersta Weekend in Chur selber gesi woni nit weg us dera doch no schöna Stadt cho bi. Wiederholung folgt oder? ;)

Jim Bob im Ausgang?

Nun lange häts wohl duuered, endli hät dr Paparazzi es Foti vom Stefan Erb gschossa, nun es isch nid mal so schlecht worda, oder?

Nun links isch d'Annina und in dr goldene Mitte d'Meli. Bin mit ihna plus x-hundert anderi Lüt a de High 5 Party an dr HIGA in dr Stadthalla Chur gsi. Hett sich aber au glohnt kha und somit isch de Jimmy z'erstmal am ne Weekend in Chur im Usgang gsi, war waiss viellicht chunnt er denn ufzmal nüma ins Unterland aba, bis jetzt aber schono.  Muas sega das es in Chur echt Spass macht, usser es regnet wieder e mal, aber jetzt isch glaub fertig mit dem...

En witera Bricht wird nöchst Weekend folga i dera Kategorie...

Bis denn, tschüss zemma

So nun sind scho bald 2 Wucha verganga sit ich da wohna, langsam aber sicher hani mi iglebt da oba, aber es brucht scho Ziit und vor allem au will halt jeda Tag gasch go schafa und gar nit viel gsesch devo vu Chur. Hoffa das i es paar Mal au under de Wucha na ind Stadt kuma, si isch gar nid so grusig wia viel meinend, jetzt bini halt en Stadtmensch worda. Post bekumi au scho fliessig, vom eigna Brüader bis zum Hochziitskärtli, merci vielmal

Das Weekend bini scho wieder im Unterland, wird aber eh nid jedes Weekend vorko, i brucha au mal es Weekend da oba. wünscha au en cools Weekend jetzt scho. Hoffa das wieder mal es mobils Update kunnt, war waiss...