Jim Bobs Blog

Sali zämma

So jetzt gaht also d'Fortsetzig witer.  Ab em nöchsta Mo. (5.9) fangt de Jim Bob wieder a schafa und zwar in Züri Affoltern bi nera Stromerfirma, nid als Stromer sondern als Allrounder. Zwar verdieni bis zur RS nur 1000 Fr., das sind aber nur grad 2 Mönet denn gahts nämli in Chrieg uf Frauafeld. I wird det vor allem im Büro es biz igführt, wird abder i denna 2 Mönet vermehrt au dussa mitgoh mit de Monteura etc. Witers gsehni denn no und das wiederum chönd ihr au da lesa. Ich hoffa das i en guta Start han, Ziel vo denna 2 Mönet isch abtschegga öb mier dia Büroarbet Spass macht (tel abneh, Rechniga schriba, Offerter erstella, Devi rechnen, ev. au mal zeichnen und usmesse vom Material, Buechhaltig, uf em Bau schaffa, Kunden kontakte betreuen etc.), i denka das da sehr abwechsligsrich isch. I han ja mal wella z'KV macha und han denn willi i kei Stell becho han mi uf Elektrozeichner festgeliet und au abgschlossa mit dr LAP de Summer.

So und jetzt tuani denn viel wenigser zeichna und bi meh am praktische als am thoretischa oder zeichnerischa. Min neua Chef kenni us mina Lehrziit, drum isch er au uf mi cho. Witers wia das ganza enstanda isch chönder au en Itrag witer una lesa.

Weg mim Unfall, gli chunnt es Bild vo mim Golf da ufs Netz, exklusiv für ihr Blog Bsuecher.

I dem Fall gnüss ich jetzt das Weekend mit de Jungschi und mit mim Schatz, bis gli.

Eua Jim Bob und merci für alles

So luetet de Text wo am 02.08.2005 i de TZ (Thurgauer Zitig) gstanda isch. De Unfall isch am 31.07.2005 am 7ni passiert. I bi denn bis am 02.08.2005 im Spital gsi. Seg jetzt nid das de Spiatl Frauafeld e riesa Katastropha isch, susch wird i vo div. Lüt no aklagt . Han mi denn 1 Wucha in Savognin mini Brustbei-Prellig uskurred und das voll gnossa mit em Godi Amriswil e super Wucha im schöna Graubünda verbracht. Jetzt sind aber anderi Ziita abrocha, han mini Lehr ja gschafft (4.5 Durchschnitt) und bin uf Jobsuechi. Da i bis zur RS wett es Praktikum macha han mi mal arbetslos agmolda und bin ufs RAV. Es hett sich aber usgstellt das dia 2 Mönet zu churz sind um vo de Arbetlosekasse z'understürtzt werda. Nun bi am letscht Wucha di ganz Ziit umagreist und han vieli Fründa wieder mal bsuecht kha (det wo jetzt Hochwasser herrscht). Am Do. Namitag bechum i es Tel. für e Afrag vomna Job. Bi grad am Abig uf Züri Affoltere, es isch fast am Weg gsi und han det scho es Gspröch kha. Kenn de Chef vo det us minera Lehr, mer hend scho zemma gschaffed. Es isch e Elektro-Bude, grad am Bhf. Jetzt sind da no Verhandliga im Gang. Wenn afanga etc. Will im Nov. gahts ab ind RS uf Frauafeld. Fortsetzung folgt...

So das wers mal gsi vu mier.

 a min schatz und de Rest vor Welt

GBY Stefan

Zitat: Die Bibel ist nicht dazu da, daß wir sie kritisieren, sondern dazu, daß sie uns hinterfragt.

Sali zäma

Mer mached mal en Afang für das neue Blog bi www.stefanerb.com

Da wird also das neue Wuchetagenbuech enstah, aber au susch bricht werded da druf schriba.

Dia alta Bricht werdend neu under es Archiv cho, wenns eu wundernimmt mal z'luega was i alter Ziit alles passiert isch.

Hoffa das ihr au mal en Kommentar dezua schribed, wenns eu grad z'muet isch. Über aktuelli Bricht werdend ihr immer via Newsletter informiert werda. Drum sofort de Newsletter aboniera, under http://www.beepworld.de/members4/stefanerb/newsletter.htm

Also i wünscha viel Spass, nöchsta Bricht folgt vo üs a Feria im Graubünda  vom 3. bis 5.August 2005 in Laax mit mim Schatz.

Greetz Jimmy ...und weg