Jim Bobs Blog

Salü zemme

Endlich chunnt en nöchsta Itrag vu miar, rechtziitig zu de Feria, wo eigentlich gar keini sind. Nun aber mal schnell de Reiha na, oder?

Also ich bin nun sit über 4 Wucha scho am schafa, wenn mer das so nenna will. Mer gfallts da guat, usser das i in Züri schafa, aber da gönd ja d'Meiniga uuu wiit usanand. Bald isch üses HELA vo de Jungschar Felben-Pfyn, drum hani morn no frei gnoh, zum alles regla und packa. Es wird nachher sicher en bricht cho, Fotis wird denn uf de Jungschi Page geh. Ich freu mi sehr uf dia Wucha, das mer guats Wetter hend und das Gott würkt und mitta under üs isch.

Hüt morga hani e witeri Hiobsbotschaft becho, nid dia das de HCD Cracker Beni Winkler 4-6 Mönet usfahlt sondern das min Schatz e Muskelverchranpfig het, jetzt gahts era scho wieder biz besser. Hoffa das mer morn Abig glich chönd is Kino gah. Was go luega? Stolz und Vorurteil, viellicht no en coola Fim, schriba denn wias gsi isch. Also de Eugen isch scho mal guat, au wenn minera Meinig zu viel gflueched wird, aber i de CH isch das ja normal.

Nun also de nöchst Itrag chunnt wieder nach em HELA, mer gönd uf Hitzkirch (LU). Denn wirds nomal es strengi Wucha geh, mit witera Überraschiga, meh verrat i mal nid...

Tschüss und weg dä Jim Bob

© by Jim Bob 06.10.2005

Salü zemma

So es folgt de nöchst Blog Itrag, wo grad es biz speziel isch, will ich hüt Geburi han , aber glich muas schafa und hüt Abig no HELA (Herbstlager) Sitzig hend, muass mi recht zemma neh das i motiviert bi.  Also hüt bini 20gi, jupi! Mit em schafa gahts mer au voll guat, isch easy do und ich muas nonig so viel macha, meh chli im Netz umasurfa, wer wett das nid. Mal luega wia das so wird ohni Schual, bis jetzt vermiss i das gar nid.

Supi das Weekend lauft wieder so viel, nai es giit kai Party vom Jim Bob, chönd na 5 Jahr warta , denn gits wieder was abgfeacts und gspunnenes Fest, wia vor 2 Jahr. Aber pssst, meh seg i no nit. Gang aber am Weekend ane Geburiparty, uf St.Galle zu de Jessi (gell Baby? ) und siher an Godi Amriswil (Miri ich chum wieder, muasch mi nüma vermissa ).

Aber eigentli setsch am Geburi frei neh und en schöna Tag macha, letscht Jahr hani voll de stress kha, guat das Jahr nüma.

Also e schöna Wucharest und weg, s'Geburichind Jim Bob

Sali zämma

So jetzt gaht also d'Fortsetzig witer.  Ab em nöchsta Mo. (5.9) fangt de Jim Bob wieder a schafa und zwar in Züri Affoltern bi nera Stromerfirma, nid als Stromer sondern als Allrounder. Zwar verdieni bis zur RS nur 1000 Fr., das sind aber nur grad 2 Mönet denn gahts nämli in Chrieg uf Frauafeld. I wird det vor allem im Büro es biz igführt, wird abder i denna 2 Mönet vermehrt au dussa mitgoh mit de Monteura etc. Witers gsehni denn no und das wiederum chönd ihr au da lesa. Ich hoffa das i en guta Start han, Ziel vo denna 2 Mönet isch abtschegga öb mier dia Büroarbet Spass macht (tel abneh, Rechniga schriba, Offerter erstella, Devi rechnen, ev. au mal zeichnen und usmesse vom Material, Buechhaltig, uf em Bau schaffa, Kunden kontakte betreuen etc.), i denka das da sehr abwechsligsrich isch. I han ja mal wella z'KV macha und han denn willi i kei Stell becho han mi uf Elektrozeichner festgeliet und au abgschlossa mit dr LAP de Summer.

So und jetzt tuani denn viel wenigser zeichna und bi meh am praktische als am thoretischa oder zeichnerischa. Min neua Chef kenni us mina Lehrziit, drum isch er au uf mi cho. Witers wia das ganza enstanda isch chönder au en Itrag witer una lesa.

Weg mim Unfall, gli chunnt es Bild vo mim Golf da ufs Netz, exklusiv für ihr Blog Bsuecher.

I dem Fall gnüss ich jetzt das Weekend mit de Jungschi und mit mim Schatz, bis gli.

Eua Jim Bob und merci für alles